Areanan di enfoke

E Programa di Akshon konosé 5 area di enfoke ku tin di haber ku tur área di desaroyo di hubentut. Den e Programa di Akshon ta enfoká den kada area riba e situashon aktual i e datonan disponibel i ta stipulá prioridat i aktividatnan pa futuro pa amplia e oportunidat i posibilidatnan pa mucha i hóbennan.

Enseñansa i Kuido

Ku inisio di lei di enseñansa obligatorio te 18 aña, e kantidat di hóbennan mas grandi ku 15 aña ku ta bai skol a oumentá konsiderablemente. Di tur mucha te 12 aña kasi tur ta bai skol. Tin un demanda grandi pa aktividatnan pafó i òf despues di skol pa ofresé muchanan un programa edukativo den oranan di mèrdia. Último añanan tin bastante desaroyo den struktura di kuido di mucha di 0-4 aña. P’e grupo aki tin un sistema di supsidio nobo ku a introdusí, otro for di e sistema di kuido despues di skol, pero adaptashon ta nesesario pa sigui garantisá kalidat.

“Enseñansa mester kuadra mas tantu ku loke ta interesá e hóben i kiko ta tene nan okupá.”

(Konsultashon ku hoben, mart 2015)

  • Echo 1
    Partisipashon
    (Min OWCS)

    di tur mucha di 0 – 4 aña
    ta bishitá un krèsh

    Kantidat di aktividat despues di skol 12+ limitá (FAJ)

  • Echo 2
    Partisipashon
    Min OWCS, 2011

    di studiantenan FO ta pasa pa HAVO

     

  • Echo 3
    Dropouts
    QDev 2014/CBS Senso 2011

    = 4.346
    hóben bou di 24 aña
    sin kualifikashon pa start

Metanan prinsipal

  1. Optimalisashon kalidat di enseñansa
  2. Oumento kantidat di hóbennan ku ta sali for di enseñansa ku kualifikashon pa start (startkwalificatie)
  3. Averahe di Nivel di edukashon mas haltu den nos komunidat
  4. Stimulá desaroyo di mucha for di edat hopi yòn
  5.  Amplia posibilidat di desaroyo di mucha i hóben despues di skol

Resultadónan deseá

  1. Mucha i hóbennan ta haña enseñansa interesante i atraktivo
  2. Enseñansa ta kuadra ku espektativanan di siglo 21 (relashoná ku tipo di kompetensia i uso di teknologia moderno)
  3. Hóbennan ta embolbí den kontenido i organisashon di e kuríkulo di enseñansa
  4. E ambiente di skol a mehorá
  5. Dosentenan ta motivá i entusiasmá
  6. Struktura finansiero di enseñansa apropiá
  7.  Mas bista di e faktornan di influensia relashoná ku dropouts di skol
  8. Guia i kuido adekuá pa hóbennan ku ta (kasi) kita for di skol
  9. Struktura di kuido ku ta funshoná bon (paden i pafó di skol)
  10. Aserkamentu integral pa esnan ku ta kita for di skol prematuro
  11. Mas alumno ta bai HAVO/VWO
  12. Oumento partisipashon na edukashon promé ku skol di fundeshi, prinsipalmente muchanan di 3 aña
  13. Optimalisashon kalidat kuido pa mucha pafó di skol
  14. Amplia oferta di edukashon despues di skol, prinsipalmente pa hóbennan 12 bai ariba

Organisashonan trahando pa hóbennan

  1. Adaptá kuríkulo/ ofresé lès dirigí mas riba proyekto di edukashon ku mas estímulo i material interesante
  2. Inisiá programa digitalisashon di edukashon (pone kòmpiuter den klas, desaroyá material di lès digital, entrená i guia dosentenan, etc.)
  3. Inisiá konseho di studiante aktivo pa skol
  4. Hasi skol i klasnan mas atraktivo
  5. Formulá i stipulá un definishon usabel, komprendibel i uniforme di dropouts di skol
  6. Organisá un lokèt pa enseñansa obligatorio i kuido, kaminda skol ta raportá esnan (potensial) ku ta kai afó i kaminda hóbennan i mayornan ta haña guia
  7. Un aserkamentu di aktuá lihé serka esnan ku ta bandoná skol prematuro – akshon apropiá mesora despues ku a notifiká ku a kita for di skol
  8. Amplia posibilidatnan pa guia i kuido di alumnonan na skol
  9. Realiseren samenwerking en afstemming tussen verschillende initiatieven gericht op voorkoming en aanpak voortijdig schoolverlaters (SMAT, Kansen voor Jongeren, etc.) Realisá kolaborashon i sinkronisashon entre e diferente inisiativanan dirigí riba prevenshon i aserkamentu di esnan ku ta bandoná skol trempan (SMAT, Kansen voor Jongeren, etc.)
  10. Realisá mas espasio na HAVO/VWO den enseñansa regular
  11. Hasi posibel ruta mas largu di enseñansa di FO-via VSBO-HAVO/VWO
  12. Realisá aksesibilidat sufisiente i fásil pa mama/mayor pa haña krèsh (supsidiá) di bon kalidat
  13. Stimulá kumplimentu ordenansa kalidat di krèsh
  14. Sistema di kòntròl efektivo kalidat di krèsh
  15. Investigá posibilidatnan pa integrá Scouting den edukashon despues di skol

Programa di akshon

  1. Organisá diálogo hubenil ku hóbennan na skol
  2. Den kolaborashon ku Ministerio di Enseñansa Kultura i Deporte (OWCS) organisá i ehekutá midimentu aktual di enseñansa digital na tur skol ku ta partisipá
  3. Inventarisá kantidat di alumno/ konseho di studiante i grado di aktividat den enseñansa avansá i profeshonal
  4. Elaborá riba modelo konseho di alumno/studiante
  5. Den kolaborashon ku Fundashon 180 / FDRS introdusí skol di piloto TOP’s!
  6. Inisiá formulashon kla i uniforme pa definishon di dropouts di skol
  7. Inisiá un lokèt enseñansa obligatorio/ bandono di skol prematuro kaminda ta notifiká tur alumno ku ta (tin peliger pa) kai afó di sistema di enseñansa
  8. Hasi aksesibel inventarisashon di kuido i yudansa disponibel (den forma di un mapa sosial)
  9. Interkambio di konosementu i sosten den deskripshon (di e partinan esensial) di un struktura di kuido ku ta funshoná bon
  10. Inventarisá kuido i yudansa disponibel pa hóbennan i identifikashon di kiko falta
  11. Pidi atenshon pa adaptá norma di supsidio pa krèsh na preis di kosto realístiko pa un bon krèsh.

Salubridat i Bienestar

Un punto di atenshon importante den e tema aki ta krea un patronchi di biba i kome salú. Kòrsou konosé hopi sobrepeso, lokual ta kuminsa for di edat yòn. Riba otro parti tambe tin relativamente hopi komportashon di riesgo, por ehèmpel riba tereno di seksualidat. Falta di edukashon seksual ta hunga un ròl den esaki. Dibertishon ta un otro tópiko ku ta forma parti di e tema aki. Deporte ta sumamente importante den kuadro di desaroyo di hubentut (Seshon di eksperto hubentut i deporte, 26 mart 2015).

“Sentro di bario no ta aksesibel i tin muchu tiki aktividat.”

(Diálogo di hubentut, desèmber 2014)

  • Echo 1
    Sobrepeso
    (Min GMN/VIC/Eshuis, 2008)

    1 riba 10 mucha di
    5 – 6 aña tin sobrepeso

    1 riba 6 mucha di
    10 –11 aña tin sobrepeso

    1 riba 4 hóben di
    15 – 16 aña tin sobrepeso

    1 riba 2 hóben di
    14 – 18 aña tin sobrepeso

    30 % ta kome berdura òf fruta tur dia (Min GMN / VIC / Eshuis, 2008)

  • Echo 2
    Komportashon seksual di riesgo
    (Boersema 2012, Brink 2011 i Hammer 2010)

    1 riba 9 mucha muhé ta bira mama promé ku 20 aña

  • Echo 3
    Salú mental
    (Marcha, 2010)

    Ta reina un imágen sosial negativo i tin falta di rolemodel konkreto

Meta prinsipal

  1. Optimalisashon di bienestar di mucha i hóbennan
  2. Estilo di bida saludabel

Resultadónan deseá

  1. Uso optimal di fasilidatnan di deporte i di den bario
  2. Oumento konsientisashon di influensia di aspektonan di género
  3. Oumento konsientisashon di importansia di role-models
  4. Imágen propio positivo i di komunidat serka hóbennan
  5. Oumento habilidatnan pa edukashon
  6. Profeshonalisashon di kuido hubenil
  7. Aksesibilidat struktural di servisio na hóbennan ku ta levemente intelektualmente limitá
  8. Amplia posibilidatnan pa atendé ku obesitas
  9. Mihó bista riba desaroyo di salubridat di muchanan i posibilidat pa intervenshon na tempu
  10. Deporte bèk komo fasilidat básiko atrobe na skol di fundeshi
  11. Edukashon seksual adekuá

Organisashonnan trahando pa hubentut

  1. Optimalisá uso fasilidatnan deportivo i di bario eksistente
  2. Organisá variashon di aktividatnan ku ta ofresé riba tereno di desaroyo di talento
  3. Tuma pasonan nesesario pa rekonosé obesitas komo un malesa króniko
  4. Reinisio análisis médiko periódiko pa mucha i hóben di 6-12 i 12-18 aña
  5. Duna kontenido i ofresé lès di deporte na tur skol FO (skol di fundeshi)
  6. Ofresé edukashon seksual spesífiko pa e grupo di enfoke LHBT

Programa di Akshon

  1. Den konsulta ku stakeholders inventarisá aktividatnan deportivo i sosial kultural pa mucha i hóbennan den bario
  2. Promové e oferta di aktividat aktual (pa medio di mapa sosial)
  3. Diálogo hubenil riba nivel di bario pa spesifiká grupo di enfoke i nesesidatnan
  4. Formulá konseho basá riba resultado di inventarisashon i diálogonan (hubenil)
  5. Inventarisá posibel rekonosementu di obesitas komo malesa króniko
  6. Investigá disposishon pa rekonosé obesidat komo malesa króniko serka sierto stakeholders (GMN)
  7. Kòmbersashon ku stakeholder (GMN) pa reinisio di análisis médiko periódiko
  8. Duna sosten na realisashon di informashon/konferensha pa grupo di enfoke LHBT

Trabou i Empresario

E loke mas ta sobresalí den e tema aki ta e porsentahe haltu di desempleo bou di hóbennan. Un di e motibunan ta e echo ku hopi hóben no tin un bista realístiko di e merkado laboral. Pero tambe konekshon entre enseñansa i merkado laboral definitivamente por drecha. Un bon struktura pa formashon práktiko (BPV) ta nesesario i ampliashon di e kantidat di lugá kualitativo di BPV, ku guia di maestronan sertifiká ta un rekomendashon importante. Di otro un banda Kòrsou tin di haber tambe ku un ‘brain drain’ ku mester ser kombatí.

“Empleo i funshonnan no ta bon deskribí i hóbennan mester skohe muchu trempan pa un profeshonal kaminda no tin sufisiente informashon”

(Diálogo di Hubentut, Sentro di Bario Montaña, 16 di mei 2015)

  • Echo 1
    Desempleo
    (CBS 2016)

    Na 2015 desempleo bou di hubentut tabata

  • Echo 2
    Konekshon Enseñansa- Trabou
    (KBB, Dare 2015)

    Mayoria hóben ku ta buska trabou tin un nivel di edukashon abou (SBO 1 òf 2)

  • Echo 3
    Braindrain
    (KBB, Dare 2015)

    Esnan ku enseñansa nivel haltu ta keda Ulanda despues di nan estudio / Braindrain (Tur aña  150 – 300 hóben ku HAVO/VWO ta bai)

Meta prinsipal

  1. Amplia posibilidatnan pa hóbennan riba merkado laboral

Resultado

  1. Mihó bista di e grupo di enfoke i e sektor
  2. Mas hóben ta start ku nan propio empresa
  3. Hóbennan ta hasi eskoho pa estudio, nivel i profeshon a base di informashon honesto i realístiko
  4. Enseñansa VSBO i SBO ta basá riba demanda
  5. Ofresé oportunidatnan apropiá pa hóbennan ku tin difikultat subi merkado laboral regular
  6. Mas hóben ta bini bèk Kòrsou despues di kaba nan estudio den eksterior

Organisashonnan trahando pa hubentut

  1. Haña bista di grupo di enfoke i sektor
  2. Stimulá inisio di propio empresa independiente
  3. Krea imágen realístiko di merkado laboral serka hóbennan
  4. Mehorá konekshon entre enseñansa profeshonal regular i merkado laboral
  5. Organisá oferta di trayektonan di trabou di siña/traha pa hóbennan ku tin difikultat pa subi merkado laboral regular
  6. Ehekutá diferente medida ku ta stimulá regreso di hóbennan ku a kaba di studia den eksterior

Programa di Akshon

  1. Sigui spesifiká grupo di enfoke di hóbennan desempleá
  2. Inventarisá trayektonan (supsidiá) eksistente
  3. Duna informashon di investigashon disponibel tokante grupo di enfoke i sektor
  4. Stimulá stakeholders pa organisá trayekto piloto di empresaria (ku atenshon riba aktitut i habilidatnan práktiko)
  5. Pa e grupo di enfoke hasi transparente unda e oportunidatnan di profeshon ta riba merkado laboral
  6. Informá skol di e banko di konosementu i investigashonnan/informashon disponibel
  7. Formulá konseho pa realisá durabilidat di produktonan di aktividatnan di KBB (maestr o na trabou, BPV, etc.)
  8. Inventarisá trayektonan di trabou di siña/traha eksistente i siñalá esnan eventualmente dòbel òf kaminda falta
  9. Organisá kolaborashon i sinkronisashon entre tur ku ta ofresé e trayektonan pa yega na un intake uniforme via un lokèt di trayekto trabou di siña
  10. Formulá konseho pa alternativanan adishonal pa gruponan di enfoke ku aktualmente no ta ser ofresé òf no tin sufisiente oferta apropiá disponibel (por ehèmpel’dagbesteding’)

Bibienda i Ambiente di Bida

Na Kòrsou e diferensia entre bario ta grandi. Tin bario kaminda retiro for di skol, problemanan sosial ekonómiko i otro tipo di problema ta bini hopi mas tantu dilanti ku serka otro bario. For di diferente ángulo ei mportansia di atenshon pa koheshon sosial ta haña rekonosementu na Kòrsou. Sosten pa realisashon di koheshon sosial ta nesesario, e no ta bai di su mes. Ademas a konstatá ku tin nesesidat pa kas spesífiko pa hóbennan, sigur p’esnan ku ta biba na kas den un situashon no saludabel i p’esnan k’un kas alternativa ta hopi nesesario.

“Nos ke mas harmonia, mihó relashon ku bisiña i pa (hende) anda ku otro ku rèspèt”

(Konsulta ku hubentut, Biblioteka Nashonal, 24 di mart 2015)

  • Echo 1
    Situashon na kas
    (CBS 2012)

    di kas di famia ta biba den pobresa

     

  • Echo 2
    Situashon na kas
    (CBS 2012)

    di tur kas tin un hende muhé na kabes

     

  • Echo 3
    Fasilidat

    Di e 120 fasilidatnan (pa hubentut) ku FAJ a identifiká mayoria (74%) ta konsentrá den e region suidat

Meta prinsipal

  1. Mehorá kalidat di biba i sentido di seguridat serka hóbennan den bario

Resultado

  1. Un punto sentral di kontakto pa hóbennan riba nivel di bario
  2. Ròl di edukashon mas fuerte di famia na kas, serka mayornan, otro miembro di famia, skol i bario
  3. Disponibilidat di sufisiente bibienda alternativo pa hóbennan ku no por biba (mas) na kas

Organisashonnan trahando pa hubentut

  1. Instalá tim sosial di bario komo punto di kontakto proaktivo pa hóbennan ku pregunta òf problema
  2. Amplia aktividatnan deportivo i rekreativo pa hóbennan

Programa di akshon

  1. Inventarisá konstelashon di hóbennan i nan nesesidatnan den bario
  2. Inventarisá fondo i supsidionan relevante
  3. Haña konosementu tokante ‘best practices’ relashoná ku timnan sosial di bario
  4. Selektá Bario piloto pa tim sosial di bario i ehekutá inventarisashon di nesesidat
  5. Plan di aserkamentu pa kontenido i programa tim sosial di bario piloto selektá
  6. Sosten den implementashon di aktividatnan sosial di tim di bario, inkluso opservashon i evaluashon
  7. Preparashon modelo di kolaborashon ku barionan den besindario, pa medio di un bario piloto eksperensiá
  8. Haña konosementu tokante ‘best practices’ relashoná ku maneho i uso di fasilidatnan deportivo i rekreativo den bario
  9. Inisiá i stimulá i duna sosten na desaroyo di maneho di internatnan

Protekshon i Seguridat

Un parti grandi di hende ku a drenta den kontakto ku krímen ta kai bou di e kategoria hóben. P’esei resientemente a bolbe instalá e funshon di resosialisashon di hóben riba nos isla. A konstatá ku si ke traha preventivo ta importante kolekshoná mas dato di faktornan di influensia prinsipal. Tin akuerdo riba e echo ku hendenan ku tin limitashon mental leve (LVB) ta mas representá den e sistema hudisial. Un otro tema den e kuadro di seguridat ta lanta den un ambiente seif. Un gran parti di mucha i hóbennan ta eksperensiá maltrato, violashon seksual i/òf maltrato doméstiko den nan bida.

“Banda di enseñansa formal tin mester di mas atenshon pa formashon di norma i balor serka hóbennan.”

(Konsulta ku hubentut, Biblioteka Nashonal, 24 di mart 2015)

  • Echo 1
    Kriminalidat
    (Faber 2007, Maduro 2010)

    di tur detenido ta mas yòn ku 24 aña

  • Echo 2
    Kriminalidat
    (Faber 2007, Maduro 2010)

    Kasi tur robo ku violensia ta kometé dor di un hóben, 1 riba 3 biaha e kulpabel tin 16 aña òf mas yòn

  • Echo 3
    Violensia doméstiko
    (van Wijk 2012)

    di tur hòmber i

    di tur muhé tin di haber ku maltrato doméstiko

Meta prinsipal

  1. Mehorá resistensia kontra partisipashon na kriminalidat
  2. Situashonnan di edukashon mas seif pa muchanan

Resultado

  1. Realisá bon aserkamentu di kadena
  2. Antisipá mihó riba prevenshon di kriminalidat bou di hubentut
  3. Realisá aserkamentu struktural pa abusu kontra di mucha, abusu seksual i violensia doméstiko

Organisashonnan trahando pa hubentut

  1. Reforsá i amplia proyekto ‘Tur Wowo Riba Bo’
  2. Mas konosementu di indikadó i orígen di kriminalidat
  3. Implementashon (parti di) plan di aliansa stipulá

Programa di Akshon

  1. Sosten koperashon entre partnernan den e kadena pa medio di seshon ku stakeholder
  2. Sigui resultadonan di investigashon A. de Lima
  3. Ondersteunen implementatie plan alliantie Sosten implementashon plan aliansa

Lòg in

Wachtwoord kwijt? (Sera)