Grupo di enfoke bou di Hubentut

E Programa di Akshon Desaroyo di Hubentut ta skohe konsientemente pa un aserkamentu ku no ta orientá riba e retonan, pero netamente p’un aserkamentu positivo, dirigí riba desaroyo en general, di tur mucha i hóben na Kòrsou entre 0 i 24 aña. Si lo tin atenshon spesial pa gruponan di enfoke spesífiko:

Di 0–4 aña
Den e periodo aki ta pone e base pa desaroyo, loke e muchanan no haña na desaroyo den e fase aki ta bira difísil pa rekuperá.
Limitashon físiko i intelektual
E grupo di hóben aki tin mester di kuido i guia spesífiko pa nan por tuma parti aktivo den komunidat. Nan tin derechi riba partisipashon.
LVB-ers
Hóbennan ku un limitashon intelektual leve ta forma un grupo vulnerabel, kaminda tin mester di atenshon spesial den guia profeshonal (di hubentut).
Adolesente:
13 – 17 aña
Nan ta den un periodo vulnerabel i ta eksperensiá algun fase di transishon i eksperimento ku por trese e rísikonan nesesario ku nan.
Hóbennan LHBT
Diversifikashon seksual no tin amplio aseptashon sosial. Apénas tin kuido profeshonal spesífiko disponibel pa e grupo di enfoke aki.

E kuadro pa Desaroyo di Hubentut

Pa yega na un kuadro pa Desaroyo di Hubentut na Kòrsou a stipulá un vishon basá riba 5 pilá, ku ta sirbi tambe komo guia na tur esnan embolbí pa midi si di bèrdat a logra e desaroyo deseá.

For di e vishon komun e Programa di Akshon Desaroyo di Hubentut a nanse komo un inisiativa kolektivo. E meta ta pa buska e konekshon entre tur e inisiativanan singular di maneho i, dor di duna sosten den e proseso di kolaborashon i sinkronisashon, na final realisá un mihó resultado.

  • 31,6%
    di e poblashon total ta mas yòn ku 24 aña.Fuente: CBS, 2014
  • ±10%
    di tur hóben ta pertenesé na e grupo di enfoke hóben LHBT.Fuente: Pinkhouse, 2015
  • ± 16%
    di tur hóben tin un limitashon intelektual leve (LVB)Fuente: de Beer, 2011
  • 27,3%
    di tur hóben ta un adolesente.Fuente: CBS, 2014
  • 19,7%
    di tur hóben ta entre 0 i 4 aña.Fuente: CBS, 2014
  • 2,5%
    di tur hóben tin limitashon físiko òf mentalFuente: CBS, 2011

E kuadro pa Desaroyo di Hubentut

E kuadro pa Desaroyo di Hubentut ta basá riba 5 pilá ku ta hasi visibel i konkreto kiko ta e metanan ku mester kumpli kuné pa por yega na Desaroyo di Hubentut na Kòrsou. Esaki ta e 5 pilánan:

Derechi di Mucha

E tratado di derechi di mucha di Nashonnan Uní, ratifiká pa Kòrsou, ta pone un bon base di lo minimal ku lo tin mester pa muchanan por krese salú i por desaroyá nan mes.

Maneho positivo pa Hubentut

Ku e eskoho pa un maneho positivo, ta mustra kla ku riba Kòrsou desaroyo di hubentut ta dirigí su mes riba tur hóben i no solamente hóbennan ku problema. Prevenshon ta para sentral.

Sosiedat Sivil
Pedagógiko

Maneho positivo di hubentut ta un sosiedat sivil ku ta funshoná bon; ta nifiká aktornan direkto den ambiente di e mucha ku ta karga e responsabilidat pedagógiko huntu. ‘It takes a village to raise a child.’

Faktor di protekshon
i di rísiko

Aplikashon di e modelo di faktor di rísiko i di protekshon ta yuda den stipulashon di kon por prevení komportashon i situashonnan di riesgo, i kon por stimulá desaroyo positivo dirigí riba oportunidatnan.

Habilidat pa siglo 21

Den futuro komunidat ta sigui kambia rápido i lo tin un demanda kresiente di habilidatnan di siglo 21 serka hóbennan. Atenshon na esaki ta yuda tambe pa enseñansa konektá mas mihó na e interes i mundu di eksperensia di e hóbennan.

Di Vishon pa programa di Akshon

Basá riba echo

E Programa di Akshon ta traha a base di echo. Ta hasi eskoho di proyekto i aktividatnan basá riba investigashon i ta verifiká esakinan riba eksperenshanan real i nesesidatnan di organisashonnan ku ta traha ku mucha i hóben, i di hóbennan mes.

Koperativo

Dor di realisá kolaborashon na un manera  aktivo i kreativo entre ministerionan, organisashonnan ku ta traha ku mucha i hóben i entre hóbennan mes, nos por realisá mas i mihó resultado.

Durabilidat

E Programa di Akshon ta stimulá durabilidat. Ta buska posibilidatnan pa kontinuá ku proyekto i aktividatnan éksitoso  òf pa amplia i mehorá kapasidat di ehekushon den gobièrnu i organisashonnan ku ta traha ku mucha i hóben.


 

Lòg in

Wachtwoord kwijt? (Sera)